Ծրագրի շրջանակում օգնել «Մուրացան» հհ հանրապետական մանկական  էնդոկրին դիսպանսերում գրանցված երեխաներին, տրամադրել աճի հորմոն դեղորայք և վճարել նրանց անրհաժեշտ լաբորատոր հետազոտությունները:

Տարվա ընթացքում կան միջոցառումներ (Ամանորի միջոցառում, Երեխաների պաշպանության օրվան նվիրված միջոցառում, Ամառային ճամբար, Շաքարախտի դեմ պայքարի համաշխարհային օրվան նվիրված միջոցառում, Հոգեբանական աջակցության ծրագիր, Դիաբետի դպրոց), որ արդեն կրում են ամենամյա բնույթ և ունեն հստակ առաքելություն՝ օգնել «Մուրացան» հհ հանրապետական մանկական  էնդոկրին դիսպանսերում գրանցված շաքարային դիաբետ ունեցող երեխաներին իրենց զգալ հասարակության լիարժեք անդամ, ապրել առանց բարդույթների, կարողանալ հիվանդությունը վերածել ապրելակերպի և վերահսկել այն, բարձրացնել հասարակության իրազեկվածության մակարդակը:

«Հայկական ակնաբուժության նախագիծ» բարեգործական կազմակերպության հետ ունենք շարունակական ծրագիր «Մուրացան» հհ հանրապետական մանկական  էնդոկրին դիսպանսերում գրանցված շաքարային դիաբետ ունեցող երեխաներին, ովքեր ունեն տեսողական խնդիրներ, տրամադրել անվճար բուժօգնություն, ակնոց:

«Մուրացան» հհ հանրապետական մանկական  էնդոկրին դիսպանսերում գրանցված շաքարային դիաբետ ունեցող երեխաները հնարավորություն ունեցան մի քանի ամիսների ընթացքում անվճար ճաշակել «Sweet and Light»  ընկերության հատուկ բաղադրատոմսերով (մեղրախոտի stevia օգտագործմամբ) պատրաստված քաղցրավենիք՝ առանց պահածոյացնող հավելումների, օսլայի, շաքարի և ֆրուկտոզայի պարունակության:

Պարբերաբար իրականացվում է ծրագիր «Մուրացան» հհ հանրապետական մանկական  էնդոկրին դիսպանսերում գրանցված շաքարային դիաբետ ունեցող երեխաներին հատուկ սննդային հավելումներ (վիտամին) տրամադրելու նպատակով:

Պարբերաբար իրականցվում են ծրագրեր՝ «Մուրացան» հհ հանրապետական մանկական էնդոկրին դիսպանսերում գրանցված շաքարային դիաբետ ունեցող երեխաներին ինսուլինի ներարկիչներ, գրիչ-ներարկիչի ասեղներ տրամադրելու համար:

«Երազ» բարեգործական հիմնադրամի ամառային ճամբարը նախատեսված է Հայաստանի տարբեր մարզերից և Արցախից շաքարային դիաբետ ունեցող երեխաների համար: Ծրագիրը նպատակ ունի բարելավել շաքարային դիաբետ ունեցող երեխաների կյանքի որակը, դարձնել նրանց հասարակության լիարժեք անդամ, ավելի ինքնուրույն, բանիմաց, ազատ բարդույթներից:

«Երազ» բարեգործական հիմնադրամը  ստեղծման առաջին իսկ օրվանից իրականացնում է «շաքարային դիաբետ ունեցող երեխաներին թեստ-երիզների տրամադրում» ծրագիրը: Հիմնադրամի նախաձեռնությամբ 2012թ.-ին ՀՀ Առողջապահության նախարարությունը ստեղծեց աշխատանքային խումբ՝  Հայաստանում շաքարային դիաբետով հիվանդ երեխաներին բժշկական օգնություն և սպասարկման բարելավման ծրագիր ստեղծելու նպատակով: 09.07.2014թ.-ին Հայաստանի Առողջապահության նախարարի 1628-Ա որոշմամբ հաստատվեց շաքարային դիաբետով հիվանդ երեխաների բժշկական օգնության և սպասարկման բարելավման ծրագիրը և 2015-2020թթ.-ի գործողությունների ժամանակացույցը, համաձայն որի ՀՀ շաքարային դիաբետ ունեցող բոլոր երեխաները ստանում են որակյալ ինսուլին, ինսուլինային անալոգներ, գլյուկոմետրի մեկական տուփ թեստ-երիզ: «Երազ» ԲՀ-ը տրամադրում է անհրաժեշտ քանակությամբ թեսթ-երիզներ շաքարային դիաբետ ունեցող այն երեխաներին ովքեր.

1. մինչև  5 տարեկան են,
2. «Փարոս» համակարգի շահառու են,
3. սահամանամերձ բնակավայրի բնակիչ են,
4. միակողմանի կամ երկկողմանի ծնողազուրկ են,
5. ընտանիքում ունեն մեկից ավելի դիաբետիկ երեխա,
6. գաղթել են Սիրիայից,

տրամադրում է բավարար քանակությամբ թեստ-երիզներ՝ տնային պայմաններում հիվանդությունը վերահսկելու համար:

«Երազ» բարեգործական հիմնադրամը ստեղծման առաջին իսկ օրվանից իրականացնում է   «Հայաստանի շաքարային դիաբետ ունեցող երեխաներին գլյուկոմետրերի տրամադրում» ծրագիրը: Հանրապետական մանկական էնդոկրին դիսպանսերում գրանցված շաքարային դիաբետ ունեցող բոլոր երեխաները անվճար ստանում են գլյուկոմետր (շաքարաչափիչ), ինչի օգնությամբ  կարողանում են վերահսկել հիվանդությունը տնային պայմաններում և խուսափել հետագա բարդություններից: